Fishing....Pari Hatrick..3 in a row..

Assalamualaikum...masa 14/03/2009(Sabtu) aku mengail with my fiance and his friends.... ani ceritanya yangku ambil dari blog my fiance (http://gengjoran.blogspot.com) :)

Assalamualaikum..dimulakan cerita..Pada 14/03/2009,aku(Sharul) turun ke tempat spot kegemaranku bersama ma'am besar ku.hehehhe..kawan-kawan Geng Joran iaitu c-Jihan n c-Madi yang mana masa atu,bisdurang awal sudah sampai kira-kira jam 7 lalu pagi. Aku masa atu datang dalam pukul 8 lalu pagi memandangkan aku ngambil umpan lagi arah tauke udang c-Sawal(Teman Geng Joran)..sampai ku di spot atu,aku meliat c-Jihan awal sudah memasang senjata pancingnya dan c-Madi masa atu inda ku tau kemana ia..ku tanyakan arah c-Jihan,"mana c-Madi..?"..ia pun membagitau yg c-Madi masa atu mengcasting sama c-Akmilio..heheheh..c-Akmilio pun turun jua kh..hehehhe..sudah atu,aku pun memasang senjata ku..first umpan udang ku kan melabuh,sudah ku kan mengumban umpan..tali penarik ku putus,besedakah batu sama umpan ku eh..hahaha..ku pasang lagi senjata ku yang "heng" belurih pari hari atu lagi..alhamdulillah..baik jua inda besedakah batu lagi..inda batah atu,c-Madi sama c-Akmilio datang baru habis mengcasting,durang bagitau tadi ada udah ikan strike rapala casting durang tadi tapi nda menyangkut..udah atu durang pun memasang senjata durang..selesai memasang,durang pun melabuh..aku masa atu pun ikut jua memasang senjata pancing ku yang putus tadi,udah ku mengumban kan melabuh umpan ku..putus cia lagi..sampai 4 kali ku mengumban sama jua putus,ku pikir tah penarik ku atu yang inda baik lagi,rupa-rupanya,ring joran ku inda baik..besedakah ku 4 biji batu..hahahha..setelah atu,kami pun bercerita..beibun,tawa-tawa...dalam masa atu,ma'am besarku pun beteriak membagitau yang joran "heng" ku belurih pari hari atu sujud udah..kana strike..apa lagi,memanjut ku belari tarus mengambil joran ku ah,apa lagi..main lah ku..kuat tarikannya eh,sampai ku lock abis pun masih lagi teDrag keluar tali penarik ku..masa atu c-Akmilio belari sambil mengambil video pertarungan ku,membari lalah jua eh,manakala c-Madi & c-Jihan standby dibawah membawa kait-kait & penyiut..lebih kurang 2 minit labih ku main..ikan yang ditunggu-tunggu nampak sudah bayang-bayangnya..apalagi,durang pun beteriak..PARI..makin ampir sudah ku tarik,masih jua pari atu melawan,dibawanya menjunam ke batu dibawah atu..tiba-tiba,pari atu pun nampak sudah kepermukaan air,inda semana-mana..melayah cia pari ah,lalu putus perambutku..pari bersaiz mega dalam lingkungan anggaran 15kg keatas atu inda dapat ku naikkan..hampa laa sedikit,sabar saja..alum rezeki nya urang..hehehe..tanpa putus asa..aku pun membuat lagi perambut baru,sesudah siap..aku pun melabuhkan lagi umpanku ke tempat yang sama..Dalam pukul 2,datang cia bini c-Jihan membawa makanan (nasi katok yang kana belikan ulih ma'am c-Madi & sayur taugeh yang dibawa ulih bini c-Jihan..sia-sia pun..)..sesudah atu,kami pun makan..dalam masa makan atu,c-Jihan pun beibun sama c-Madi..katanya "kalau makan atu ampai saja dibawah,inda payah dipigang.kalau kana tarik joranmu,betaburan tarus nasi tu.."..dalam masa kami makan atu,aku tedangar bunyi drag..sekali ku toleh,rupa-rupanya joran ku strike lagi..apalagi,tarus tinggal bah nasiku ah..masa atu inda ku peduli lagi kan tangan ku yang masih benasi-nasi & betaugeh..ku gulung saja spol ku ah..kali ani,kuat lagi tarikannya..sama jua ku lock udah dragku,masih jua keluar tali penarik ku ah.macam biasa,c-Akmilio mengambil video pertarungan ku masa atu,manakala c-Jihan & c-Madi menunggu dibawah membawa penyiut & kait-kait..main punya main sampai bebunyi drag spol PENN ku ah..(c-Akmilio jelez mendangar tu bunyi drag spol ku yang smooth ah..heheh)..nampak cia ikan yang ditunggu-tunggu iaitu pari..sampai saja pari atu kepermukaan air & hampir ke batu,c-Jihan pun tarus mengait pari atu..alhamdulillah..naik jua pari atu ulih ku..sudah atu ditimbang baratnya..ngam-ngam 15kg.."wa punya muka ada manyak senyum.." tapi lalah mengangkat..hehhehe..





Kira-kira dalam pukul 3 lalu petang..dalam siuk-siuk kami becerita,joran c-Madi kana strike,apa lagi..c-Jihan tarus belari mengambil joran c-Madi yang masa atu lambat sikit reactionnya..hehehe..sudah atu,c-Jihan pun membagi joran atu rah tuan punya..c-Akmilio pun tarus mengambil video eh..heheheh..manakala aku sama c-Jihan menunggu dibawah membawa kait-kait & penyiut..siuk meliat c-Madi bertarung atu sampai bebunyi drag spol legendnya "Banax"..kira-kira dalam 2 minit labih c-Madi bertarung,nampak cia bayang-bayang pari..sudah pari atu hampir dengan batu,c-Jihan pun tarus mengait & menyiut pari atu untuk dibawa keatas..setelah pari atu diatas,kami pun menimbang pari atu..7kg baratnya..alhamdulillah..





Kira-kira dalam pukul 4 lalu petang,semasa kami siuk-siuk becerita,tali joran "heng" ku melantur,lalu dengan relax saja ku mengambil & menggulung spol ku..tiba-tiba,ada tarikan yang kuat lalu aku pun men"smash" joran ku atu..kali ani,kuat jua lawannya..apalagi.Fish-On..bertarung ku lagi sekali..c-Akmilio inda pandai ketinggalan mengambil video pertarungan ku atu,macam biasa c-Madi & c-Jihan menunggu dibawah..kira-kira dalam 2 minit labih ku bertarung..kelibat ikan pari pun nampak..(wahh..pari lagi..hehe)..lalu macam biasa laa..c-Jihan pun mengait pari atu & c-Madi menyiut membawa naik keatas..sesudah diatas,kami pun menimbang pari atu..barat pari atu 6kg..alhamdulillah..rezeki..





Gambar kenangan hari atu..heheheh..

My Birthday,My Fiance's Bday and Bel's Bday Party

On 28th February aku menyambut Birthdayku,birthday tunangku and cuzinnya cBilah dirumah tunangku....im so happy sal kami main bouncer basah2 and tarus BBQ...thank you sapa yg sponser mcm2 makanan...malam atu ada kambing,ayam salai,sausage,daging puyu,bakso and mcm2 lagi....majlis malam atu semuanya berjalan dgn lancar alhamdulillah.. thank you guys sapa yang bagi hadiah...and wanna say thanks jua rah my family yg sudi dtg dihari jadiku.... :) thanks to my kaka Bibi sal bagi banyak hadiah,to sis Syadah,Bilah,Nuji and yg lain sal bagiku hadiah..hehehe :P gambar dibawah ani masa malam atu...but sedikit jaku masukkn...banyak plang lagi...kalau mau liat full gambar malam atu ada rah Facebook ku hehehe...pic ani punku ambil dri facebook cAmal wawawa....